Bişkekin əsas meydanlarının birində artıq saatlardır Doolot Sıdıkov Türk dünyasının şah əsərlərindən biri hesab olunan “Manas” dastanı söyləyir. Qırğız milli geyimdə, yarım milyon sətirlik eposu ifa edən tanınmış manasçı öz vətəninin tarixini yeni nəsilə ötürməyə çalışır.
«Manas» öz həcmi etibarı ilə dünya ədəbiyyatın nadir və monumental incilərindəndir. Bu bəşəri abidə soy köklərimizdən tarixi məlumat verən əvəzsiz qaynaqdır. Bu çıxış Doolot Sıdıkovun ilk uzun sürən ifası deyil. Keçən ay tanınmış manasçı Bişkekin Ala Too Meydanında 14 saatdan çox fasiləsiz Manas dastanını oxuyaraq insanlara vətənpərvəlik hisslərini ötürməyə çalışıb. Digər manasçılar da oxşar şücaətlər göstərərək dastanı dəniz səviyyəsindən 4000 metr yüksəklikdəki bir dağın üzərində oxuyaraq öz məharətlərini göstəriblər. Sıdıkovun Manası tanıtma kampaniyası Qırğızıstan cəmiyyətində və siyasətində millətçi bir canlanma ilə üst-üstə düşüb.